கோட்டக்குப்பம் 1-ம் எண் நியாயவிலைக் கடையை இரண்டாக பிரிக்க அதிகாரிகள் ஆய்வு.

கோட்டக்குப்பம் ஒன்றாம் எண் நியாயவிலைக் கடையை இரண்டாக பிரித்து புதிய நியாய விலைக் கடையை உருவாக்க இன்று (21-05-2022) வருவாய் மற்றும் கூட்டுறவு துறை அதிகாரிகள் ஆய்வு.

கோட்டக்குப்பம் 16,17,18,19 ஆகிய வார்டு மக்களின் நீண்ட கால கோரிக்கையான ஒன்றாம் எண் நியாயவிலைக் கடையை இரண்டாக பிரிக்க கோரி மார்க்சிஸ்ட் கம்யூனிஸ்ட் கட்சி சார்பாக சென்ற 20-05-2022 அன்று ஆர்ப்பாட்டம் நடைபெற இருந்தது..

இதனிடையில் 19-05-2022 அன்று தாசில்தார் தலைமையில் நடந்த சுமூக பேச்சி வார்த்தையில் ஜூன் மாதம் இறுதிக்குள் 1-ம் எண் நியாய விலை கடையை இரண்டாக பிரித்து கொடுக்க உறுதி அளித்தார். அதன் அடிப்படையில் இன்று 21-05-2022 காலை வானூர் வட்ட வழங்கல் அலுவலர் திரு ராதா கிருஷ்ணன் மற்றும் கூட்டுறவு சார் பதிவாளர் செல்வகுமார் மற்றும் சேல்ஸ் மேன் அஜித் குமார் ஆகியோர் கடையை பிரிக்க சாத்திய கூர்ரான இடங்களை பார்வையிட்டனர்.